Apteklərdə satılan dərman paketlərini “Avromed” hazırlayıbmış -

Apteklərdə satılan dərman paketlərini “Avromed” hazırlayıbmış -
21 Dekabr 2020, 16:00
21 Dekabr
2020
16:00
205

TƏBİB koronavirus xəstələri üçün nəzərdə tutulmuş dərman paketlərinin apteklərdə satılması barədə sosial şəbəkələrdə yayılan məlumatlara münasibət bildirib.



TƏBİB-dən verilən məlumatda qeyd edilir ki, bununla bağlı dekabrın 18-də TƏBİB tərəfindən açıqlama verilib: "İlkin olaraq bildirdik ki, sözügedən paketlər TƏBİB-ə aid deyil. İki gündür davam edən araşdırmalarımız nəticəsində isə məlum oldu ki, bəzi apteklərdə satışa çıxarılan həmin dərman paketləri "Avromed Company” MMC-nin şəxsi təşəbbüsü ilə hazırlanıb.

Lakin paketlərin hazırlanması zamanı anbar əməkdaşları tərəfindən yanlışlığa yol verilib. Şirkət əməkdaşı paketləmə zamanı yanlışlıqla dərman paketinin içərisinə "Avromed Company” MMC-nin deyil, anbarda nümunə üçün hazırlanmış TƏBİB-ə məxsus fleyerləri yerləşdirib. Problem ortaya çıxan kimi həmin dərman paketləri apteklərdən geri çağırılıb.
Bir daha nəzərinizə çatdırırıq ki, TƏBİB Abşeron rayonu və Sumqayıt şəhəri daxil olmaqla, ölkəmizin digər rayonlarında koronavirus xəstələrinin stasionar və ambulator müalicəsi ilə məşğul olur. Bu ərazilərdə evdə müalicə alan koronavirus xəstələrinə tamamilə ödənişsiz, dövlət hesabına dərman paketləri verilir. Həmin paketlərin verilməsindən imtina edildiyi təqdirdə, xahiş edirik ki, TƏBİB-in 24 saat fəaliyyət göstərən 1542 nömrəli qaynar xəttinə və ya +99451513-1542 nömrəsinə məlumat verəsiniz”.
 
Shushapost.Az


 

Xəbər lenti

BÜTÜN XƏBƏRLƏR

Digər xəbərlər