Ermənistanın baş naziri Nikol Paşinyanın rəhbərlik etdiyi "Mənim Addımım” partiyasının parlament fraksiyası bəyanat yayıb.

7News.Az "İravunk” qəzetinə istinadən bildirir ki, iqtidar partiyasının yaydığı bəyanatda onların istefasını tələb edən müxalifətə təkliflər verilib.

Bildirilir ki, əgər müxalifət Qarabağda müharibənin sona çatması üçün imzalanan razılşmanı erməni xalqına qarşı xəyanət hesab edirsə, o zaman onlar çox açıq şəkildə aşağıdakıları bəyan etməlidirlər:

1. Rusiyanın vasitəçiliyinin ləğv edilməsinin tərəfdarıyıq,

2. Rus sülhməramlılarının təmas xəttindən çəkilməsinin tərəfdarıyıq,

3. Müharibənin davam etməsinin tərəfdarıyıq.

"Mənim Addımım” partiyasının bəyanatında daha sonra qeyd olunur ki, bu açıqlamanı verildikdən sonra müxalifət müharibənin yenidən başlanması halında qələbə üçün təklif olunan yol xəritəsini də təqdim etməlidir.