Məsələ ilə bağlı BNEWS.az-a açıqlama verən politoloq Arzu Nağıyev Ermənistandan sonra növbəti "rəngli inqilab”ın İranda yoxsa, Rusiyada baş tutacağına inanmır: " "Böyük yeddilik” ölkələrin Ukraynada yaranmış vəziyyətlə əlaqədar Rusiyaya qarşı yeni sanksiyaların tətbiqi barədə razılığa gəlmələri, eyni zamanda siyasi sanksiyaların tətbiqi bunlar daxili proseslərə ciddi şəkildə təsir göstərmir. Baxmayaraq ki, Rusiyaya qarşı sanksiyalar Krımın ilhaqı və Ukraynanın cənubunda baş verən hadisələrdən sonra tətbiq olunmağa başlayıb. Hazırda bəzi siyasətçilər hesab edirlər ki, saksiyalar fonunda Rusiya iqtisadiyyatının zəifləməsi, ölkədə digər proseslərin baş verməsi gətirib hansısa inqilablara yol aça bilər. Ermənistanda inqilabi dəyişikliyin İran və Rusiyada təkrarlanması inandırıcı deyil. Çünki həm İranın, həm də Rusiyanın kifayət qədər tәbii sərvətləri, eləcə də, ölkə əhalisinin istəklərini qarşılaya biləcək qədər ehtiyatları var. Bu gün Qərbin saksiyalarına qoşulmayan dövlətlər var ki, hazırda İran və Rusiya həmin dövlətlərlə iqtisadi-ticarət əlaqələrinin formalaşdırılması istiqamətində fəaliyyətini davam etdirir. Ümumiyyətlə, iqtisadi-siyasi sanksiyalar tətbiq etməklə nə İranda, nə də Rusiyada hökumət dəyişikliyinə nail olmaq mümkün deyil”.