“InvestAZ”-dan dünya maliyyə bazarları ilə bağlı həftəlik analiz

“InvestAZ”-dan dünya maliyyə bazarları ilə bağlı həftəlik analiz
(Avro, funt, qızıl və neft ucuzlaşmaqda)
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR. 
Avrozonada risklərin artması xəbərləri EURUSD məzənnəsinin ucuzlaşmaqda davam etməsinə səbəb olur və trend 1.07$-a kimi davam edə bilər. 
Bununla yanaşı, çərşənbə axşamı Bakı vaxtı ilə saat 13:00-da Almaniya iqtisadiyyatında inkişaf perspektivlərini ölçən "ZEW” indeksi və saat 16:30-da ABŞ-dan inflyasiya göstəricilərinin dərci də investorların diqqət mərkəzindədir. 

GBP. 
İngiltərə iqtisadiyyatında, xüsusilə sənaye sektorunda proqnozlaşdırılmamış geriləməyə dair statistik rəqəmlərin açıqlanması fonunda GBPUSD məzənnəsinin də təzyiq altında qalacağı düşünülür. Burada isə ucuzlaşma 1.28$-a kimi davam edə bilər. 
Çərşənbə günü saat 10:00-da İngiltərədən də inflyasiya göstəriciləri yayımlanacaqdır. 

TRY. 
USDTRY məzənnəsi bazar ertəsi saat 11:00-da Türkiyədən açıqlanacaq işsizlik göstəriciləri öncəsi 15TL-nin altında stabil olaraq dalğalanmaqdadır. Lakin dollarla təzyiq özünü burada da göstərə bilər. 

OIL. 
Enerji birjalarında təklifin artması ilə Brent 103$-ın altına düşüb və eniş 88$-a kimi davam edə bilər. 
Çərşənbə günü saat 18:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir. 

GOLD. 
Qlobal risklərin artdığı bir şəraitdə FED-in faiz artımı ehtimalları, qızılı da təzyiq altında saxlayır. Təhlillərə əsasən, bir unsiya üzrə qiymət 1950$-ın (62.7 $/qram) altında qaldıqca, yenidən 1914$-a (61.5 $/qram) kimi dəyər itirə bilər. 

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.



"İnvest-AZ İnvestisiya Şirkəti” QSC-nin 
Analitika Departamenti


"İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.


_______________________________________________________________________

Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və "İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

Xəbər lenti