NFP göstəricisinin zəif çıxmasına baxmayaraq dollar bahalaşır

"Invest-AZ İnvestisiya Şirkəti" QSC-nin analitikləri bu həftə üzrə dünya maliyyə bazarlarında son vəziyyət və qısa müddətdə gözlənilənlərlə bağlı məlumat verib.

EUR

Ötən cümə zəif açıqlanan NFP göstəricisi qarşısında müvəqqəti ucuzlaşan dollar indeksi hal-hazırda bahalaşmaqda davam edir.

Rusiyanın "Qazprom” şirkətinin Avropaya qaz nəqlini dayandırması, avrozonada iqtisadi çətinliklərin dərinləşəcəyini ehtimal etməyə imkan verir.

Çərşənbə günü saat 10.00-da Almaniyada açıqlanacaq ÜDM dair statistik rəqəmlər investorların diqqət mərkəzindədir. Cümə axşamı günü saat 16.15-də Avropa Mərkəzi bankı faiz qərarını açıqlayacaq. Təhlillərə əsasən, dollar indeksindəki yüksəliş davam edərsə, EURUSD məzənnəsi 0.9700 hədlərinə qədər ucuzlaşa bilər.

GBP

GBPUSD məzənnəsi də keçən həftə dollar qarşısında dəyər itirməkdə davam etdi. İlin sonuna inflyasiyanın 20 faizədək qalxacağı ehtimalı var. Dollar indeksindəki tendensiya davam edəcəyi təqdirdə GBPUSD məzənnəsindəki eniş tendensiyası 1.14$-a kimi davam edə bilər.

Bu gün Britaniyada yeni baş nazirin adı açıqlanacaq.

TRY

Ötən həftə 18.25TL hədlərinə kimi yüksələrək son bir ilin maksimumlarını test edən USDTRY məzənnəsində artım tendensiyası davam edir. Hazırda 18.19TL hədlərində ticarət olunan USDTRY cütlüyündə 18.21TL səviyyəsi qırılacağı təqrdirdə tarixi maksimumlar növbəti dəfə test edilə bilər.

OIL

Ötən həftə 93.30$ hədlərinə qədər ucuzlaşsa da, "Brent” nefti dəstək səviyyəsi 93$ qiymətindən geri qayıtdı. 96$ səviyyəsindəki dəstək həddi qırılacağı təqdirdə, artım tendensiyası davam edə bilər.

Bu gün saat 14.00-da "OPEK+” toplantısı başlayır. Cümə axşamı saat 19:00-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir.

GOLD

Qızıl ötən həftə 1680$-a kimi ucuzlaşsa da, yenidən 1716$ hədlərinə kimi irəlilədi. Dollar indeksindəki yüksəliş davam edərsə, qızıl 1705$-a (53.26$/qram) kimi ucuzlaşa bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

"İnvest-AZ İnvestisiya Şirkəti”nin

Analitika Departamenti

"İnvest-AZ İnvestisiya Şirkəti”nin fəaliyyətini Azərbaycan Mərkəzi Bankı tənzimləyir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərir.

Risk bildirişi

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və "İnvest-AZ İnvestisiya Şirkəti” yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.