"FED”-in, "ECB”-nin və "BOE”-in toplantıları fonunda birjalar

"InvestAZ İnvestisiya Şirkəti" QSC-nin analitikləri bu həftə üzrə dünya maliyyə bazarlarında son vəziyyət və qısa müddətdə gözlənilənlərlə bağlı məlumat verib.

Dünyanın aparıcı Mərkəzi Bankları inflyasiya ilə mübarizəni davam etdirərkən 2022-ci ili yüksək faiz artımı ilə başa vurmağa hazırlaşırlar. Çərşənbə günü keçiriləcək iclasda FED-dən yarım bəndlik artım gözlənilsə də, investorlar faiz dərəcələrinin nəhayətdə necə yüksələ biləcəyini diqqətdə saxlayacaqlar. Çərşənbə axşamı ABŞ-da açıqlanacaq inflyasiya göstəriciləri FED-in planları haqqında yeni ipucları verəcək. İnflyasiya proqnozlarının qarışıqlığı və FED toplantısından çıxacaq qərar və açıqlamalar, ehtimal ki, ilin qalan hissəsi və ondan sonrakı dövr üçün ABŞ-da fond birjalarında da tendensiyanın gedişinə ciddi təsir edə bilər. Bu həftə İngiltərə Bankı Mərkəzi Bankının da (BoE) və Avropa Mərkəzi Bankının da (ECB) cümə axşamı keçiriləcək iclaslarında uçot dərəcəsini 0.50% artıracağı proqnozlaşdırılır.

EUR

Bazar iştirakçılarının FED-in dekabr toplantısında uçot dərəcələrini 0.50% artıracağı proqnozlarını qiymətləndirməsi fonunda dollar indeksi 104 bənd hədlərinə qədər geriləyib. Təhlillərə əsasən dollar indeksi 105 bənd həddinin altında qaldıqca eniş tendensiyasını davam etdirə bilər. Bu halda EURUSD və GBPUSD cütlüklərində artım tendensiyası daha da güclənə bilər.

Lakin bu həftə Avrozonada və Almaniyada açıqlanacaq inflyasiya, Biznes aktivliyi indeksi göstəriciləri, eləcə də "ECB”-nin faiz qərarı və sədr Kristin Laqardın açıqlamaları EURUSD cütlüyündə trendin gedişinə ciddi təsir edə bilər.

GBP

Bu həftə İngiltərədə açıqlanacaq iqtisadi inkişaf və inflyasiya səviyyəsinə dair rəqəmlər, əmək bazarı, pərakəndə satış dövriyyəsi, biznes aktivliyi indeksi kimi vacib iqtisadi göstəricilər, eləcə də İngiltərə Mərkəzi Bankının faiz qərarı və sədr Endryu Beylinin çıxışı GBPUSD cütlüyündə trendin gələcək taleyinə dair bir çox suallara aydınlıq gətirə bilər.

CHF

Etibarlı liman maliyyə aləti missiyasını uğurla davam etdirən İsveçrə frankı aktuallığını qoruyur. FED-in toplantısı öncəsi dollarla bağlı qeyri-müəyyənliklər səbəbilə investorların rikklərin diversifikasiyası üçün frankda yatırımlarını bir qədər artırdığı müşahidə olunur.

Cari ticarət həftəsinin 4-cü günü İsveçrə Mərkəzi Bankının Mətbuat konfransı və "LİBOR” dərəcəsi ilə bağlı qərarı investorların diqqət mərkəzində olacaq.

GOLD

Dollar indeksinin ucuzlaşması fonunda qızıla tələb getdikcə artır. Ötən həftə 1809$-a kimi bahalaşan qızıl həftəni 1797$-da tamamladı. Dollar üzərində təzyiqlər artmaqda davam edərsə və 1806$ həddindəki müqavimət səviyyəsi qırılarsa, qiymətli metalın bir unsiya üzrə dəyəri 1850$ və 1888$-a kimi bahalaşa bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

"İnvest-AZ İnvestisiya Şirkəti”nin

Analitika Departamenti

"İnvest-AZ İnvestisiya Şirkəti”nin fəaliyyətini Azərbaycan Mərkəzi Bankı tənzimləyir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərir.

Risk bildirişi

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və "İnvest-AZ İnvestisiya Şirkəti” yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.