7NEWS.az xəbər verir ki, Azərbaycanın folklorunun və söz sənətinin ustadlarından olan Aşıq Şəmşirin anım günü ilə bağlı Türkiyənin "Ulusal Kanal” Televiziyasında geniş süjet yayımlanıb. Dədə Şəmşirin həyat və yaradıcılığından bəhs edən süjetdə Miskin Abdaldan başlayan Şəmşir şeirinin dünəni, bugünü və gələcəyi barədə danışılıb. Ustad sənətkarın əsərləri, Ağdaban faciəsi və Şəmşir sənətinin bugünkü davamçıları barədə danışılan süjetdə Aşıq Şəmşir Mədəniyyət Mərkəzinin də fəaliyyətinə geniş yer verilib.