Məsələ ilə bağlı 7NEWS.az-a açıqlama verən Milli Məclisin deputatı Ramil Həsən bildirib ki, bu Anlaşma Memorandumu qlobal əhəmiyyətə malik tarixi sənəddir. 

"Bu anlaşma tarixi əhəmiyyətə malik olmaqla bərabər, eyni zamanda, iqtisadi-siyasi və strateji cəhətdən də mühüm əhəmiyyət kəsb edir. Azərbaycan Prezidenti cənab İlham Əliyevin güclü və qüvvətli gələcəyi dəqiq və sərrastlıqla görə bilən qabiliyyəti, eyni zamanda, Azərbaycan dövlətlərinin milli marağını hər şeydən üstün tutması və regiona sabitliyin, sülhün gələ bilməsi ilə bağlı qətiyyətli şəkildə addımlar atması bu layihənin uğurlu şəkildə qonşu İran islam respublikası ilə bərabər keçirilməsi üçün mükəmməl bir təməl olmuşdur. Bu memorandum, həm də, iqtisadi-siyasi, strateji cəhətdən önəmli olmaqla bərabər Azərbaycanın 44 günlük Vətən savaşında dəmir yumruqla başını əzərək darmadağın etmiş olduğu Ermənistana da mükəmməl bir dərs olmuşdur. Bu memorandum regiona yeni iqtisadi nəfəs verəcək. Ermənistan yenidən regionun mühüm iqtisadi layihəsindən kənarda qaldı."