İnnoMEDİA Layihəsi

İnnoMEDİA Layihəsi

Müasir cəmiyyətin hər bir sahəsinə nüfuz edən texnoloji tərəqqi media sənayesinə də ciddi təsir göstərir, müvafiq sahədə köklü dəyişikliklərə səbəb olur, eləcə də yeni media məhsulları və xidmətləri yaradır, bir sözlə, virtual və mürəkkəb media mühiti üçün yeni imkanlar təqdim edir. 

Rəqəmsal reallıq şəraitində, zaman-məkan sərhədsizliyinin, media məkanında hibrid hücumların tez-tez müşahidə edildiyi bir dövrdə rəqəmsal alətlərdən istifadə edərək səmərəli ünsiyyətin qurulması, sosial medianın məlumat mənbəyi kimi aktuallaşması, rəqəmsal transformasiya, ümumilikdə isə rəqəmsal qloballaşma prosesləri fonunda dünyada müxtəlif trendlərin mövcudluğu gənclərin yeni media mühitini anlaması və bilik və bacarıqlara yiyələnməsini vacib edir. 

Medianın İnkişafı Agentliyi gənclərin jurnalistika sahəsində yaranan yeni imkanların və mediada yeni tendensiyaların öyrənilməsi, rəqəmsal media sahəsində peşəkar vərdişlərin formalaşdırılması, şəbəkələşmə mühitinin üstünlüklərindən yararlanaraq kommunikasiya əlaqələrinin qurulması və inkişaf etdirilməsi məqsədilə yerli və xarici təlimçilərin iştirakı ilə "Jurnalistikada konvergensiya” və "Mediada rəqəmsal imkanlar” mövzularında 2 moduldan ibarət "İnnoMEDİA” layihəsində iştirak üçün  qeydiyyatı açıq elan edir!

Müxtəlif alt mövzularda panel sessiya və təlimləri əhatə edəcək layihəyə rəqəmsal media sahəsinə maraqlı olan gənclər müraciət edə bilər.

Son müraciət tarixi: 16.12.2022 

Xəbər lenti