Bu gün Milli Olimpiya Komitəsinin Ədalətli Oyunlar Komissiyasının,  Azərbaycan Qan Donorluğunun İnkişafı Mərkəzinin birgə dəstəyi və lNBA Qlobal Avrasiya və lNBA Qlobal Azərbaycan birliyinin təşkilatçılığı ilə Opera Studiyasında Ümummili Lider Heydər Əliyevin 100 illiyinə həsr olunmuş natural bodibildinq və fitnes üzrə 1-ci Avrasiya Çempionatı keçirilib.

Yarışdan öncə Ümummilli lider Heydər Əliyevin və Vətən Müharibəsi şəhidlərinin xatirəsi 1 dəqiqəlik sükutla yad edilib və Dövlət himni səsləndirilib. Ümummilli lider Heydər Əliyevin həyat yolundan bəhs edilən filim izlənilib.

Tədbirin bədii hissəsinə Azərbaycan Televiziyasının və Müğam Mərkəzinin solisti, "1st lNBA Eurasia Championship" beynəlxalq turnirin Fəxri səfiri Mirələm Mirələmovun ifası, həmçinin  Azərbaycan Rəqs qrupu və Baku Band qrupunun çıxışı ilə  yekun vurulub.

Daha sonra Milli Olimpiya Komitəsinin Ədalətli Oyunlar Komissiyasının sədri Xəzər İsayev çıxış edərək Ulu öndər Heydər Əliyevin Azərbaycan idmanın inkişafına verdiyi tövhələrdən danışıb.

INBA Qlobal Azərbaycan və lNBA Qlobal Avrasiya birliyinin prezidenti Elnur Şıxəliyev yarışın mahiyyəti haqqında vəlumat verib və ilk dəfə ölkəmizdə təşkil olunan 1-ci Avrasiya Çempionatında ilk dəfə olaraq fiziki məhdudiyyətli idmançıların iştirak etdiyini vurğulayıb. O qeyd edərək bildirib ki, məqsədimiz fiziki məhdudiyyətli idmançıların təlim - məşq toplanışına cəlb edərək, onların beynəlxalq yarışlarda iştirakını təmin etməkdir.

Azərbaycan Qan Donorluğunun İnkişafı Mərkəzinin mətbuat xidmətindən verilən məlumata əsasən, Azərbaycan Televiziyasının və Muğam Mərkəzinin solisti Mirələm Mirələmov və INBA Qlobal Avrasiya və lNBA Qlobal Azərbaycan birliyinin prezidenti Elnur Şıxəliyev Azərbaycan Qan Donorlarının İnkişafı Mərkəzinin idarə heyətinin qərarı ilə fəxri üzv qəbul olunublar. Fəxr üzv diplomlarını AQDİM-nin idarə heyətinin sədri Fuad Rəsul təqdim edib. 

İdman yarışına  ilk olaraq  Fiziki Məhdudiyyətli idmançıların çıxışı ilə start verilib. Həmçinin turnirdə fiziki məhdudiyyətli şəxslərin, eyni zamanda irsi qan xəstəliyindən əziyyət çəkən uşaqların əl işlərinin sərgi- satış yarmarkasıda təşkil olunub.

Çempionatda 100-ə qədər idmançı Kids Fitnes, Fizikal Çelenced , Men's Fizik, Sport Model, Men's Atletik, Classic Fizik və Men's bodibildinq kateqoriyalarında mübarizə aparıblar.

Fərqlənən idmançılara diplom, medal, kubok və dəyərli hədiyyələr təqdim olunub.

Qeyd edək ki, yarış sonrası "Azərbaycan Qan Donorluğunun İnkişafı Mərkəzi”-nin təşkilatçılığı ilə   hakimlər, atletlər və  idarə heyətinin üzvləri "Sağlam olaq, Donor olaq!" devizi altında qanvermə aksiyasında iştirak edəcəklər.