(Dollar indeksi son 14 ayın minimumlarında)

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

Ötən həftə ABŞ-da inflyasiya göstəricilərinin proqnozlaşdırıldığı kimi geriləməsi dolların kəskin ucuzlaşmasına səbəb oldu. 

Beləki, Amerikada İstehlak Qiymətləri İndeksi (CPİ) ötən ilin dekabr ayında aylıq müqayisədə 0,1% azalmış, illik müqayisədə isə 6,5% artıb. Ötən ilin son ayında CPİ 2020-ci ilin may ayından bu yana ilk dəfə aylıq müqayisədə geriləyərək, illik müqayisədə 2021-ci ilin oktyabrından bəri ən aşağı səviyyəyə düşüb.

Nəticədə dollar indeksi 101.60 bənd hədlərinə kimi gerilədi. "Ayı”lar eniş tendensiyasını davam etdirə bilsələr, DXY 100 bənd səviyyəsini test edə bilər. 

Cari həftə ərzində İngiltərədə, Avrozonada, Almaniyada və Kanadada açıqlanacaq inflyasiya göstəriciləri birjalarda ciddi qiymət dəyişikliklərinə səbəb ola bilər. Həmçinin, Amerikada açıqlanacaq İstehsal Qiymətləri İndeksi, İngiltərədə dərc olunacaq əmək bazarına dair statistik rəqəmlər, eləcə də, Avrozonada və Almaniyada ZEW İqtisadi Aktivlik İndeksi kimi önəmli məlumatlar investorların diqqət mərkəzində olacaqdır.

EUR

Dolların qlobal bazarlarda ucuzlaşdığı ötən həftə ərzində EURUSD məzənnəsi 1.0867-ə qalxaraq 2022-ci ilin aprelindən sonra pik həddinə çatıb.Təhlillərə əsasən dollar indeksindəki eniş tendensiyası dərinləşərsə, avro dollar qarşısında 1.1050 hədlərinə qədər bahalaşa bilər. Qeyd edək ki, Avrozonada açıqlanacaq inflyasiya göstəriciləri tendensiyanın gedişinə ciddi təsir edə bilər.

GBP.

Ötən həftənin sonu 1.2250 hədlərinə kimi bahalaşan GBPUSD məzənnəsində trendin necə davam edəcəyində bu həftə İngiltərədə açıqlanacaq inflyasiya və əmək bazarına dair statistik rəqəmlər ciddi təsir edə bilər. 

TRY.

İnkişaf etməkdə olan ölkələrin valyutalarında bahalaşmaya baxmayaraq, USDTRY üfüqi tendensiyasını 18,80TL həddindəki maksimumunu qorumaqla davam etdirir. Bu həftənin cümə axşamı günü Türkiyə Cümhuriyyəti Mərkəzi Bankının faiz qərarı lirənin dollar qarşısında necə bir dalağalanma sərgiləyəcəyinə aydınlıq gətirə bilər.

GOLD. 

ABŞ-da ötən həftə geriləyən inflyasiya fonunda investorların qızıla kökləndiklərini müşahidə edirik. Nəticədə qızıl 1920$ hədlərinə kimi bahalaşdı. Dollar indeksində eniş tendensiyası davam edərsə, qiymətli metalın bir unsiya üzrə dəyəri 1942$ və 2008$-a kimi bahalaşa bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

"İnvest-AZ İnvestisiya Şirkəti” QSC-nin 

Analitika Departamenti

"İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

_______________________________________________________________________

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və "İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.