"Ölkədə bu qədər hadisələr baş verir, sülh danışıqları istiqamətində ciddi proseslər gedir, Siyasi Partiyalarla bağlı həssas dönəmdir və s, ilaxır. Amma radikal müxalifətin mediasına, sosial şəbəkə statuslarına baxırsan, heyrətə gəlirsən. Elə bil bunlar başqa ölkədə yaşayırlar. Elə bil kordurlar. Elə bil Azərbaycanın bunlara aidiyyəti yoxdur. Ancaq hücum edirlər, ancaq şığıyırlar, ancaq dövləti və hakimiyyəti gözdən salmaq üçün çaba göstərirlər, ancaq neqativ, ancaq qaramat fikirlər, ancaq təhqir, ancaq söyüş, ancaq iftira...Nə məsələdir? Niyə özünüzə əl qatmısız? Niyə öz dövlətinizə, öz millətinizə qarşı bu qədər düşmən mövqedəsiz? Nədir sizi qane etməyən?”– 7NEWS.AZ xəbər verir ki, bu fikirləri Demokratik Maarifçilik Partiyasının sədri, Milli Məclisin deputatı Elşən Musayev bildirib.

"Yarım gün sərsəmləməsələr ürəkləri partlayar. Biri deyir "Soros”dan pul alıram, digəri "cahil”, "zəlil”, "şikəst” kimi ifadələrdən istifadə edərək xalqı təhqir edir, başqa birisi hansısa şahmatçının təxribatyönümlü statusuna dəstək çıxır...

Bir az da bekar qalan kimi başlayırlar Paşinyanın təbliğatına. Öz də əməlli-başlı. Kənardan baxanda  Ermənistanın sözcüləri kimi görünürlər, bu anti-milli, radikal müxalifət ünsürləri.

Rəzalətdir. Bunların elədiyi, sərgilədiyi tamı-tamına rəzalətdir! Sözün gerçək anlamında!” – deyə Partiya sədri fikirlərinə davam edib.